ඡාත්‍යන්තර කාන්තා දිනය නිමිති කොට ගෙන 2015 මාර්තු මස ශ්‍රී ලංකා වෛද්යන සංගමය, කාන්තාව සහ මාධ්‍ය හා සාමූහිකය සහ පවුල් සැලසුම් සංගමය හා එක්ව කෙටි චිත්‍රපට උළෙලක් සහ එම චිත්‍රපට අළලා සාකච්ඡාවක් කොළඹ රිජ්වේ ආර්යා ළමා රෝහලේදී පවත්වන ලදි. ස්ත්‍රි පුර්ෂ සමාජභාවය සහ ලිංගික සෞඛ්යවය තේමා කොටගත් සිංහල සහ දෙමළ කෙටි චිත්‍රපට මෙම උළෙලේ දී ප්‍රදර්ශනය කෙරුණ අතර උළෙල අවසානයේ දී චිත්‍රපට පිළිබදව ප්‍රේක්ෂකයින් සමඟ සිදුකරන ලද සජීවී සංවාදයක් ද විය. මාධ්‍ය හා සාමුහීකය විසින් වසර ගණනාවක් මුළුල්ලේ පවත්වන ලද කෙටි චිත්‍රපට තරඟ සඳහා ඉදිරිපත් කරන ලද චිත්‍රපට 10 ක් මෙම උළෙලෙදී ප්‍රදර්ශනය කරන ලදි. එලෙස ප්‍රදර්ශනය කරන ලද කෙටි චිත්‍රපට කිහිපයක නිෂ්පාදකවරුන්ට තම නිර්මාණය බිහි කිරීමට පදනම් වු කතා වස්තුව ප්‍රේක්ෂකයින් හමුවේ හුවමාරු කරගැනීම සදහා ද ආරාධනා කර තිබුණි.
